The Sixth Sense [1999]

මැල්කම් ක්‍රෝ නම් මනෝවිද්‍යාඥයෙකු හා කෝල් නම් හත් හැවිරිදි කුඩා දරුවෙකු වටා ගෙතුනු මෙම චිත්‍රපටය පලමු විනාඩියෙ සිට අවසන් තත්පරය දක්වාම නැරබිය යුතුම චිත්‍රපටයකි. ‍‍

මානසික වෛද්‍යවරයාගෙ අසාර්ථක වූ රෝගී තරුනයෙකු ගෙන් සිනමාපටය ඇරඹෙයි. ඉන් පසු හැම තත්පරයක්ම ගෙවීයන්නෙ වෛද්‍යවරයා හා කුඩා දරුවා සමගය. අසාමාන්‍ය මානසික රෝගයකට ගොදුරුවීසිටින කෝල් නම් එම දරුවාට ඇති මානසික ව්‍යාකූල තාවය වන්නෙ, මියගිය ආත්මයන් පැමින ඔහුගෙන් උදව් ඉල්ලා සිටිමයි. අවසානයෙ වෛද්‍යවරයාහට සියල්ල තෙරුම් කරදී තම ව්‍යාකූලතත්වයෙන් මිදීමට කෝල් ගන්නා උත්සාහය මෙම සිනමාපටයෙන් ඉදිරිපත් කෙරේ. 

විනාඩි 107ක් තුල දිගහැරෙන මෙම චිත්‍රපටය පලමු විනාඩි 102 තුලම ප්‍රක්ෂකයා තුල ඇල්මැරුන තත්වයක් පෙන්වුවත් අවසන් විනාඩි 5 තුලදී නැවත වරක් සිනමා පටය මුලසිට නැරබීමට ඔබ සිත යොමු කරනවාට සැක නැත. …

Bruce Willis, Haley Joel Osment විසින් ප්‍රදාන චරිත නිරූපනය කරන "The Sixth Sence" හි තිර පිටපත ලියා අධ්‍යක්ශනය කලේ ඉන්දියානු සිනමාකරුවෙකු වන M. Night Shyamalan විසිනි. 1999 වසරෙ හොඳම අධ්‍යක්ශනයට හිමි "ඇකඩමි" සම්මානය මෙම චිත්‍රපටයට හිමි නොවී "American Beauty" චිත්‍රපටයට හිමිවුයේ Night Shyamalan ඉන්දියානුවෙකු වීම බව මගෙ හැගීමයි. 

 

Pay it forward [2000]

ගොල්ඩ් කොයින් උගුල ගැන ඔබට අමුතුවෙන් කියන්න උවමනා නෑනෙ. එම සංකල්පයම යොදා ගනිමින් නිපදවනලද මෙම සිනමාපටය හද සසල කරන සිදුවීම් ඔස්සෙ දිග හැරෙයි. 

  පිය සෙනෙහස අහිමි දරුවෙකු තම ගුරුවරයාගෙ මග පෙන්වීමෙන් ලොකය වඩා හොඳ තැනකට ගෙන ඒමට දරන තැතක් මෙමෙ සිනමාපටයෙන් ඉදිරිපත් කෙරෙ.
Kevin Spacey, Haley Joel Osment සහ Helen Hunt විසින් ප්‍රදාන චරිත මෙහෙයවයි. 

I am Sam ඒ මාගෙ ලොවයි [2002]

මානසික ආබාධයකින් පෙලෙන ඔහු,  තම 7 හැවිරිදි දියනියගෙ භාරකාරිත්වය ලබාගැනීමට වෙර දැරීමත් සමාජය විසින් එය කෲර ලෙස අහිමි කරවීමත් පිළිබඳව ගෙතුනු අපූර්ව සිනමා නිර්මානයක් ලෙස "I am Sam " නම් කල හැකිය. 

 Sean Penn, Michelle Pfeiffer සහ Dakota Fanning ප්‍රදාන චරිත නිරූපනය කරන මෙහි පියෙකු හා දියනියක අතර ඇති බැඳීම ඉතා සංකීර්න ලෙස ඉස්මතු කරෙ.
 …2002 වසරෙදී හොඳම නළුවා ලෙස ෂෙන් පෙන් ඔස්කාර් සම්මානය මෙම චිත්‍රපටයෙ මානසික ආබාධයක් සහිත පියාගෙ චරිතය වෙනුවෙන් හිමිකරගන්නා ලදි. 

City of Angels සුරගන අඩවිය [1998]

ජීවත්වන අප කාටත් සුරදූතයන් උද්ව් කරන බවපෙන්වන මෙමෙ සිනමාපටය ඉතා සංවෙදී නිර්මානයක් බැවු නොකියාම බැරිය. වෛද්‍යවරවරියකට සහය දෙන සුරදූතයෙක් ඇය සමග පෙමින් වෙලෙයි. අවසන ඔහුට මනුශ්‍ය ලොවට පැමිනීමට සිතෙයි. ඉතා සුන්දර තෙමාවක් ඔස්සෙ දිගහැරෙන මෙමෙ චිත්‍රපටය එක දිගටම අවසන් වනතුරු නරඹන්නෙනම් මැනවි.
…

Green Mile හරිත සැතපුම [1999]

කුඩා දැරියන් දෙදෙනෙකු අමානුශික ලෙස මරා දැමීමට වැරදි කරුකොට මරනීය දණ්ඬනයට ලක්ව සිටින ජෝන් කොෆී නම් කලු ජාතිකයාට රෝග සුවකිරීමෙ බලයක් හිමිය. ඔහු රඳවා තබා සිටින සිරගෙයි රැකවලුන් අතර සිටින පෝල් නම් භාරකරුගෙ කුඩා කල සිට පැවති මුත්‍රා රෝගයක් සුවකිරීමෙන්, ජෝන් කොෆී කෙරෙහි දැඩි භක්තියක් මෙන්ම විස්වාසයක් පෝල් තුල හටගනී. නමුත් පෝල්ට ජෝන් නිදහස් කරගැනීමෙ හැකියාවක් නොමැත. 1999 දී තිරගතවුනු "Green Mile හරිත සැතපුම" සිනමා පටය ඔබ නරඹා තිබියයුතුම චිත්‍රපටයකි. ටොම් හෑන්ක්ස් පෝල් ගෙ චරිතයට්ත් මයිකල් ක්ලාක් ඩන්කන් , ජෝන් චරිතයටහ් පන පොවයි. පැය 3 කට අධික කාලයක් තිරගතවෙන මෙම චිත්‍රපටය විවෙකී වෙලාවක එක දිගට
නරබන්නෙනම් මැනවි.

සම්පූර්න චිත්‍රපටය නැරඹීමට මෙතන කොටන්න

The Others අනිත් අය [2001]

සැමියා යුද්ධයට ගොස් නැවත නොපැමිනීමෙන් සිත් තැවුලට පත් ග්‍රේස්, හිරු එළියට යම් අසාත්මික තාවයක් දක්වන තම දරු දෙදෙනා සමග ඇයම සාදාගත් නීති මාලාවක් තුල සුවිසල් නිවසෙ ජීවත් වෙයි. අලුත පැමිනෙන මෙහෙකරුවන් තිදෙනා නිසා එම නිවසෙ යම් වෙනසක් ඇතිවෙ. ඇගෙ දියනිය එම නිවසෙ  "වික්ටර්" නම් තවත් දරුවෙකු සිටින බව පවසයි. එම මෙහෙකාරිය විසින් ග්‍රේස්ට  යම් යම් දෑ එත්තු ගැන්වීමට සැරසෙන අතර මෙම නිවසෙ අත්භූතබව එන්න එන්නම  වැඩිවෙ

අවසන් තත්පරය දක්වාම නැරඹියයුතු චිත්‍රපටයක් වන මෙහි ග්‍රේස් චරිතයට නිකොලී කිඩ්මන් විසින් රංගන දායකත්වය ලබා දෙයි.. 2001 වසරේදී ප්‍රතම වරට තිරගතකරන ලද මෙම චිත්‍රපටය ශ්‍රි ලාංකික ප්‍රෙක්ෂකයන්ට  ඉතා හොඳ සිනමා පටයක් ලෙස හැඳින් විය හැක. 




  

Flypaper [2011]

බැංකුවක් තුල  එකවර අහඹු මංකොල්ල කෑම් දෙකක් සිදුවෙයි. මෙම මංකොල්ල කෑම් අතරතුරදී එයින්  බේරීමට උත්සහ ගන්නා ප්‍රාන ඇපකරුවන් හා මංකොල්ලකරුවන්  මුහුන පාන හාස්‍ය ජනක සිදුවීම්  රැසක් සපිරි ෆ්ලයිපෙපර් සිනමා පටය 2011 අගොස්තු 26 සිට ලොවපුරා ප්‍රදර්ශනය වෙයි. ක්‍රියන්විත හා හාස්‍ය ඇතුලත් මෙහි ඈශ්ලි ජඩ් හා පැට්‍රික් ඩෙම්ප්සි ප්‍රධාන චරිත රගපායි.

My Week With Marilyn මැර්ලින් සමග සතියක් [2011]

"The Prince and the Showgirl" සිනමා පටය නිපදවන අතරතුරදී  ශ්‍රිමත් ලොරන්ස් ඔලිවර් නම් අධ්‍යක්ෂකගෙ තරුන  සෙවකයෙකු වූ කොලින් ක්ලාක් සමග ගතකරන සුන්දර කාලයක්  පිලිබඳව මෙම චිත්‍රපටයෙන් වෙන්වයි .සත්‍ය සිදුවීමක් ඇසුරින් මෙම සිනමා පටය නිපදවා ඇත .  මෙම චිත්‍රපටය 2011 නොවැම්බර් 4 වනදා සිට ලොවපුරා තිරගතවීමට නියමිතය. 

Carnage [2011]

දෙමාපිය දෙපාර්ශවයක් තම දරුවන්ගෙ පාසලෙ ඇතිවූ ප්‍රශ්නයක් නිරාකරනය  කර ගැනීමට සුහද හමුවක් පවත්වයි . එහිදී සිදුවන අදහස්  හුවමාරුව  ඔවුන් පත් කරන නොසන්සුන්තාවය,  ඔවුන්ගෙ සිතෙ ඇත්වන  ක්‍රෝදය  පිළිබඳව අපූරු ලෙස කතාකරන චිත්‍රපටයක් ලෙස "Carnage" හැදින්විය හැක. සුප්‍රකට සිනමා අධ්‍යක්ෂකවරයෙකු වන රෝමන් පොලොන්ස්කි විසින් මෙම චිත්‍රපටය අධ්‍යක්ෂනය  කර ඇත. ප්‍රවීන නිලියන් වන කේට් වින්ස්ලට් , ජූඩි  ෆෝස්ටර් විසින් රංගන දායකත්වය ලබාදී ඇති මෙම සිනමා පටය 2011 සැප්තැම්බර්   18 වනදා ඉතාලියෙදී ප්‍රතම වරට තිරගත කරන ලදි. 2011 දෙසැම්බර් 16 වනදින සිට  මෙම "Carnage" ලොවපුරා තිරගත  වීමට නියමිතයි.

The River Murders ගං තෙර අඹිරහස් [2011]

මිනීමැරුම් ගනනාවක් පසුපස හඹා යන අපරාධ පරීක්ෂකයෙකුට එම මිනීමැරුම් වල ප්‍රධාන සැකකරු තමා බවට පත් වෙයි . ඉන් ඔහුට ගලවිය හැකිවෙයිද ? නැත්නම් එම මිනීමැරුම් කලෙ ඔහුමද ? විසින් ප්‍රධාන චරිතය පනපොවන මෙම චිත්‍රපටය විනාඩි 90ක් පුර දිග හැරෙන අතර හොලිවුඩයෙ එතරම් ප්‍රසිද්දියක් මෙම චිත්‍රපටයට නොලැබුනත් ලංකාවෙ අපගෙ රුචිකත්වයට අනුවනම් මේ චිත්‍රපටය ඉතා හොඳ මට්ටමක පවතිනවා.

    

Colombiana කොලොම්බියනා [2011]

තම දෙනෙත් අබියස මවත් පියත් ඝාතනය කරන අයුරු දකින දියනියකට කුමක් සිතෙනවා අතිද ?  මරණයෙන් බේරී පලායන ඇය මුලු ජීවිතයම පළිගැනීම සදහා කැපකරයිද ?
මීට පෙර "La Femme Nikita   හා Leon the Professional " චිත්‍රපට නිර්මානය කල අයවලුන් විසින්ම නිපදවනලද මෙම චිත්‍රපටය 2011 අගොස්තු මස 26 වනදා සිට ලොව පුරා ප්‍රදර්ශනය ඇරබුවා. පැයකුත් විනාඩි 48 පුරා දිග හැරෙන "" පලමු විනාඩියෙ සිටම ත්‍රාසයෙන් පිරි චිත්‍රපටයක් බව කිව යුතුය. Zoe Saldanaවිසින් ප්‍රධාන චරිතය නිරූපනය කරනු ලබන අතර Olivier Megaton
විසින් අධ්‍යක්ෂනය කර ඇත. 

 

Faces In The Crowd සැඟවුනු මුහුනු[2011]

මිනීමැරුම් ගනනාවක් කරමින් යන අයෙකුගෙ ග්‍රහනයෙන් මිදුනු ඇය ඉන් අනතුරුව මුහුනපාන්නෙ යම් මානසික රෝගී තත්වයකටය. ඇයට පෙනෙනෙ මුහුනුවල යම් යම් ඉඟි යම් යම් පුද්ගලයන්, යම් යම් මතකයන් විද්‍යාමන වෙයි. මිනීමැරුම් වල සුලමුල හෙලිකර ගන්න ඇයට හැකිවේද? "Faces In The Crowd" තුලින් නරබන්න . පූර්ව ප්‍රචාරකය පහත වීඩියොවෙන් බලන්න.

ප්‍රතිභාව! The Prestige [2006]

සමීප මිතුරන් දෙදෙනකු වන මැජික් ශිල්පීන් දෙදෙනෙකු පසු කලක ප්‍රතිවාදීන් වී තම ප්‍රතිභාව උදෙසා මැජික් ශිල්පයත් ඊට අදාළ ප්‍රයෝගත් උපයෝගී කරගනිමින් තම ප්‍රතිමල්ලවයාව පරාජය කිරීමට ගන්නා උත්සහයක් මෙම චිත්‍රපටය තුලින් ඉදිරිපත් කෙරේ. හියු ජෙක්මන් හා ක්‍රිස්ටියන් බෙල් ප්‍රධාන චරිත පණපොවන මෙම  චිත්‍රපටය විනාඩි 173 ක් පුරා දිග හැරෙයි. 

මනෝ ලෝකයෙන් ඔබ්බට Deja Vu [2006]

කිසිම දිනක ඔබ අත්නුදුටු යම් සිදුවීමක් ඔබට සමීප හුරුපුරුදු අත්විඳි සිදුවීමක් ලෙස දැනුනු අවස්ථා ඔබෙ ජීවිතයේ අනන්තවත් ඇති. deja vu ලෙස හඳුන්වන්නෙ එයයි.
නිව් ඔර්ලන්ඩ් නාවුක තටාංගනයේ සිදුවන බෝම්බ පිපිරීමකින් සියගනනක් ජීවිත විනාශවීයයි. FBI ආරක්ෂක අංශය හා එක්ව එහි පරික්ෂන සඳහා පැමිනෙනෙ ATF පරික්ෂක ඩග් නම් නිලදාරියාට මරාදමන ලද තරුණියක් හමුවේ. හුරුපුරුදු හෝඩුවාවන් ඔස්සේ හා සිදුවූ සිදුවීම් මාලාවේ යම් යම් ස්ථාන වෙනස් කල හැකිබව තේරුම් ගන්නා ඩග් අතීතය වෙනස් කිරීමට සැරසෙයි.

බැලූ බැල්මට විද්‍යා ප්‍රබන්ද ස්වරූපයක් ගත්තද, මෙහි ඊට හාත් පසින්ම වෙනස් තාත්වික කතාවක් ඉදිරිපත් කර ඇත. මුලු චිත්‍රපටියම නරඹා, එක් එක් චරිතය තුලින් එම චිත්‍රපටය දෙස බැලීමේදී, චිත්‍රපටයේ තේමාවට ගැලපෙන එක් චරිතයක් ඔබට මැවෙනු ඇත.
ටෝනි ස්කොට් විසින් අධ්‍යක්ෂනය කරන ලද මෙම චිත්‍රපටය ඩෙන්සිල් වොෂින්ටන් හා පෝලා පැටන් විසින් ප්‍රධාන චරිතවලින් හැඩ ගන්වා ඇත.

-------------------

මැඩිසින් ප්‍රාන්තයේ සුන්දර පාලම් The Bridges of Madison County [1995]

ජීවිතයේ සැඳෑසමයට ලංවෙමින් හිඳින රොබට් කින්කෙඩ් නම් ඡායාරූප ශිල්පියා මැඩිසින් ප්‍රාන්තය පුරා සැරිසරමින් ඔහුගෙ සිත්ගත් ඡායරූපගන්නා අතර ඔහුගේ සිත්නැවතෙන්නේ ඔහුගේම වයසේ ෆ්‍රන්චෙස්කා ජොන්සන් නම්වූ තැනැත්තියක් සමීපයෙහිය. දින 4ක ප්‍රෙමකතාවක් පසුබිම් කරගත් සංවේදී චිත්‍රපටයක් ලෙස මෙම චිත්‍රපටය හැදින්විය හැකිය. ඇකඩමි සම්මානලාභී ක්ලින්ට් ඊස්ට්වුඩ් හා ඇකඩමි සම්මානලාභී මෙරලි ස්ට්‍රිප් රගපාන මෙම චිත්‍රපටය මුල්වරට තිරගත වූයේ 1995 වසරදීය.

නො-හඳුනන්නෝ Unknown [2011]

Stars :Liam Neeson,Diane Kruger,January Jones

Director: Jaume Collet-Serra
Running Time :113 min

First Screening Date: 18 February 2011

ජීව විශේෂඥයෙකුවන මාටින් හැරිස් තම සුරූපී බිරිඳ සමග සම්මන්ත්‍රනයකට සහභාගීවීමට බර්ලින් නුවර බලා පිටත්වෙයි.තම බිරිඳ නවාතැන් ගන්නා හෝටලයට යන අතර දොස්තරවරයා තම බෑගය ගැනීම සඳහා ගුවන් තොටුපොල වෙත යයි.
එහි ගොස් එන අතරතුරදී සිදුවන රිය අනතුරකින් දින 4ක් සිහිමුර්ජාව සිටින දොස්තරවරයාට තම අනන්‍යතාවය පිළිබඳ ගැටලු රැසකට මුහුන දීමට සිදුවන්නේ මේ මොහොත වනවිට තම බිරිඳද තමාව නොහඳුනන බව පවසන බැවිනි.

කුතුහලයෙන් පිරි මෙම චිත්‍රපටය නරඹා දොස්තරවරයාට සිදුවන්නෙ කුමක්දැය් ඔබම වටහා ගන්න

මේ බ්ලොග් එක ගැන

වසර ගනනාවක් Movies එක්ක ඉඳලා DVD බලලා VIDEO Center එකක් කරලා තියන අත්දැකීම් වලින් ප්‍රයෝජනයක් ගන්න හිතුන නිසා මෙ බ්ලොග් එක පටන් ගත්තා. මම බලපු, මම අහපු හොඳ Movies ගැන විස්තර සහ පූර්ව ප්‍රචාරක පට මේ බ්ලොග් එකෙන් ඔයගොල්ලන්ට දැනගන්න පුලුවන්, Comment එකක් දාලා දිරිමත් කරනවානම් තව ඉදිරියෙදී ඔබ වෙත ඉදිරිපත් කරන්න මම බලාපොරොත්තු වෙනවා.